قصيدة واحد ماتت امه بحادث معهـ

بسم الله الرحمن الرحيم .

يواسينـي وانـا الميـت وحـالـي يجـبـر الدمـعـات
تسيـل مـن الـذي فينـي ويبكـي وهــو يواسيـنـي
وانــا ابـكـي واتنـهـد وارســم بالـحـزن لـوحـاتي
جبرونـي عشـان امشـي ورجلـي مــا تمشيـنـي
قتلـت رعايتـي بـيـدي قتـلـت الـحـب والرحـمـات
حرمت النفـس مـن حقهـا وانـا ابكيهـا وتبكينـي
وكـنـه حـلـم قـدامـي يقـيـدنـي مـــن الـصـرخـات
ابـي اصحـى ولكنـي عجـزت القـى ال يصحيـنـي
فـداك القلـب يايمـه ومهـمـا قـلـت مــن كلـمـات
صغيـره فـي كـبـر حـقـك بــس اتمـنـى تعذريـنـي
نهبت الفرح من بيتي صحيح اني خسيس الذات
صحيح انـي ولـد طايـش وكـل مـا أسمعـه فينـي
تـجـول عيونـهـم فيـنـي تفـصـل مـنــي قـيـاسـات
وتشـيـح وجوهـهـم عـنـي وكـنـي غـيـرت ديـنـي
يظنـوا حزنهـم اكبـر وهــم اصـحـاب هالمـأسـاة
وانـا اتحـدى اذا فيهـم ربــع مــا يحـتـرق فيـنـي
نقـص قـدري بعـد موتـك وغابـت نشـوة اللـذات
وصــــار الــهــم عــكــازي ابـاكـيــه ويبـاكـيـنـي
عطيتيني بدون حساب ولا سمعتك تقولـي هـات
وانـا اشـرب حيـل مـن دمـك ودمـك مـا يكفيـنـي
يايمـه ارجعـي كافـي ابجلـس معـك لـو لحـظـات
واقبـل ايـدك ورجلـك وافـرش لـك رمـش عينـي
يايمـه مـا تحملهـم يقـولـوا فــات مــا قــد مــات
تعالـي غيـري هالـقـول واطيـعـك بـاقـي سنيـنـي
واتـرك عـادة التدخيـن وانفـذ مــا تـبـي بسـكـات
واصلي الفجر في المسجـد قبـل منتـي تصحينـي
يايمـه ارجعـي تكفـيـن وطـفـي شمـعـة الآهــات
ابـيـك انـتـي ولا غـيـرك عـلـى مـوتـك تعـزيـنـي
وضميـنـي وداويـنـي مـثـل مــا كـانـت الهـقــوات
مـا ابـي احـدن يواسينـي ابيـك انـتـي تواسيـنـي
دخيلـك بـس لا تبكي اذا شفـتـي بــي الدمعات
انـــــا مــقـــوى ابـكــيــك اذا انـــتـــي تـبـكـيـنــي